• 01-histoire
  • 02-histoire
  • 04-histoire

E cundizione ùn sò favurevule : u mercà di a biera in Francia rincula è a Corsica hè una terra di vinu induva a biera ùn hè micca bè vista.

Issu cuntestu negativu ùn li scuragisce micca, ma a cuncretisazione di quellu prugettu li piglierà parechji anni.

A ricerca d’un terrenu, a ricerca di materiale di biereria di piccula capacità ch’ùn esistia tandu è chì ci hà vulsutu inventà ( i primi tinazzi è a salla à mischià seranu cuncipiti sopra misura da una paghjularia corsa), a cuncipitura d’una sosula è di sicuru a ricerca di financiamenti, in un cuntestu di sfidanza di pettu à stu prugettu ( e famiglie seranu d’altronde i primi investodori) tuttu hè cumplicatu.

Li pigliemu per scemi, ma a Brasserie Pietra aprerà bè e so porte in u 1996, è a biera Corsa hè nata : si chjama Pietra, pè mustrà l’arradichera à u picculu paese di a famiglia Sialelli, Pietraserena.

Armelle è Dumè si spiazzanu tandu annantu à e strade di l’isula per fà la scopre nantu à e fiere è i mercà di Corsica. Pietra seduce cù e so qualità gustative è dopu à qualchì annu, a si trova in ogni locu.

Dapoi u clanu Pietra s’hè allargatu, cù Serena, una bella bionda pura, Colomba, a biera bianca di a biereria, Pietra Bionda, Pietra Rossa, Colomba Rosée, Pietra Corsican IPA, è dapoi pocu Blonde Bio, a biera d’inde Pietra-biò è senza gluten.